新產品






因想盡快用完手上的皮革所以不停做,今天完成了這個香煙包,可以掛在皮帶上,非吸煩者也能放置一些小物。

另外,本人參加了一個名為Kiva的微型貸款組織,十分有意義,只需借出US$25便能幫到有需要的人,

所以每次有人向我買東西,收到錢後我都會把款項借出。

發表時間:2012年11月17日 | 評論 (0) | 全文

有生意啦!









三日兩單生意~~~誤打誤撞, 原來筆盒頗受歡迎~其中一單是訂造印名的, 十分驚訝自己的執行力, 收到訂單後三小時內便完成了~

錢雖不多 (US$40/個, 免郵費), 但至少得到別人肯定, 也能達到清空房間, 訓練創意的目的。

共勉之


發表時間:2012年11月17日 | 評論 (0) | 全文

收錢!



終於有寄賣鋪手上收回$1,800, 我沒化細計過到底有賺還是蝕, 應該是蝕了數百元? 不知道......只知道這$1,800剛好能幫補下月去台灣的機票費用......

本週一又去了深水步買皮, 買了一塊白色和紫色的, 很快便弄了這個筆袋, 希望快點有人要能幫補旅費~








發表時間:2012年11月7日 | 評論 (0) | 全文

小劍橋包

花了六天,約四十小時終於完成這個小劍橋包: 

其間因肩帶預算太長,幸得女同事借出香肩一會給我量度~


側面:


背面:


大合照~~~

發表時間:2012年10月21日 | 評論 (0) | 全文

鎖匙包

睇返d相原來我都幾癡線, 由九月到而家都做到無停手, 仲要一次過連住做三個袋, 無停手唔係多生意, 而係無生意, 想增加存貨, 不過可幸係有人見到我d野想搵我教班, 前日就有個女仔搵我教佢整個散紙包, 教左兩粒鐘感覺良好, 聽講十一月中有另一壇人數四人到時就可以收多少少錢, 叫做幫補下買工具啦。

另外之前整完個劍橋包我女友個同事話想搵我訂造但要一星期後先覆我, 我見得太多, 都係無米粥多, 有就當bonus啦, 都係賺微利同埋小小皮碎咁。

講下皮碎, 呢排唔知發咩神經好想掉返所有屬於我既野(除左錢), 唔知你會唔會有我呢個諗法呢, 我覺得記憶係唔可靠, 即係佢唔可以將100%既事實記低晒, 因為記憶有佢既延展性, 即係如果佢只記得80%期餘個20%會幫你fill in the blank而你係不自知, 所以我好嚮往呢種不確定性, 我好矛盾, 想人地記得我但同時又唔想人地記得我咁清楚......

就係咁, 所以想盡快清理所有皮碎, 於是今日用左三粒鐘到整左呢個鎖匙包, 圖2個兩粒銀色撞釘其實有個血的教訓, 話說之前我唔識係淘寶亂咁買原來粒釘隻腳既長度都好講究, 加上無工具dup, 所以dup到好肉酸, 後尾比我係深水步搵到一間d料好好既鋪頭又有工具賣先解決到, 但而家仲有幾百粒撞釘......我開始覺得佢地好篤眼篤鼻, 我諗來緊要整多d鎖匙包同活頁文件套先可以解決晒佢地!



發表時間:2012年10月15日 | 評論 (0) | 全文

女生包包

呢個袋既設計係複製台灣半製品材料包, 中間個個扣有個小故事, 

為左個扣我特登去訂造左個工具來來回回都搞左成個月因為個圓形個圈圈外面個層係純銀造, 

內圈因為設計比較特別, 如果同現成既工具去dup就會斷......因為粒野成本都要廿蚊......

聽日(星期一)會帶呢個袋同劍橋包同女朋友影product相, 仲有夜晚會去睇黃子華!!! 期待!!! 


另外因為係facebook搞左個漂書活動, 因緣際會下有位好耐無搵既朋友建議我可以整d飛鏢小袋子, 

於是我就整左個送比佢比佢當我既移動廣告板~小往大來耶~~~XD

P.S. 不過見到個製成品後我發現唔夠cool~下一個會好好多~~^_^


發表時間:2012年10月7日 | 評論 (0) | 全文