原來我成個幾月無寫過blog, 唯有交代下我呢個幾月做過d乜: 

JCCAC九月個手作市集搞唔成, 買落一堆皮頓時有種坐艇既感覺, 

於是靜極思動努力整野, 幾日前一次過整3個短銀包, 原來同時整3個月比起1個1個整係無分別........整到手指d筋有d痛, 但都要繼續做......




上星期教一個幾靚既女仔整銀包


驚喜, 因為instagram識左一個整皮既女仔, 由於間唔使我都會short起上來斷捨離, 我送左一堆皮碎同少少配件, 佢好好人整左呢個記事簿套比我, 我整野送比人就多, 人地整野送比我就第一次, 多謝! 


銀紙夾尚待改進, 質量還不夠穩定, 可以整第二個仲衰過整第一個, 可惡! 



有一個老實不客氣既朋友佢哥哥做廚師既叫我整左下面呢堆野, 一個人夜媽媽留係公司整野, 疑似撞鬼......




P.S. 可幸既係我整拉鍊既技術好左, 其實我好唔鐘意幫拉鍊剝牙呢個工作, 又唔可以好暴力咁扯, 因為會扯爛d布......總之就係煩

呢個之前已講過, 有個朋友參考名牌佢出材料同請我食飯我出時間同少少同左一個月夾手夾腳整好



多得instagram令我得到一張來自新加坡既訂單




又多得instagram令我得到一張香港既訂單,呢個人好奇怪指定要個銀包係深色, 我話無貨佢就好似等個老公放監咁話佢可以等我......



呢d賣左去台灣 (其實我鐘意賣去Etsy多d因為台灣網手續費好貴, 又會寫信過來產我點解運費咁貴, 局住要加價, 加價就會比客寫信產我點地加價......真係Welcome To Facebook! WTF!!!)



我有一位朋友要走了, 只好送d禮物比佢



因為造短銀包不好, 於是我不停做